5º e 6º E.I Visita Museo Liste

4ºE.I Saída Museo Liste

4ºE.I Visita Carmen, nai de Diego

Fai unhas semanas visitounos Carmen, a mamá de Diego. Carmen ensinounos algunhas fotos para coñecer un pouquiño máis ao noso compañeiro Diego. Vimos fotos da familia, dos cumpres de Diego, da súa mascota, do seu incansable xogo con todo tipo de botes J … Despois a mamá, tomou boa nota do proxecto sobre os sentidos no que estamos a traballar, para contarnos un conto súper chulo! “Siete ratones ciegos”

Por último Carmen, fíxonos o xogo “O cesto dos tesouros”; debiamos adiviñar cos ollos tapados que obxecto cogiamos no cesto, só utilizando o noso sentido do tacto.

 

Moitas grazas Carmen pola túa visita. Diego quedou super feliz!!! 

Unha experiencia en África

Pensamos que sería de moito valor formativo que os nosos alumnos coñeceran de primeira man as dramáticas  condicións de vida ás que están sometidas millóns de persoas no mundo. Para iso estiveron connosco Calima e Enrique, ámbolos dous colaboran con ONGs que actúan en África e contáronnos a situación  na que está gran parte da poboación africana.

Calima, profesora do colexio Andersen e como mestra que é, actuou máis no campo educativo e de construcción de escolas e Enrique, antiguo alumno desta escola e dentista na actualidade, falounos das condicións hixiénicas e sanitarias da poboación.

As súas impresionantes experiencias estiveron ilustradas por imaxes que eles mesmos tomaron e que nos amosaron unha sociedade sometida a unha condicións educativas e sanitarias totalmente impensables para nós.

Agradecemos a Calima e Enrique o tempo que nos adicaron e a gran xenerosidade que amosan coas sociedades menos favorecidas. Para eles e para os que como eles actúan neste eido, a nosa admiración.



 

Día Internacional da Eliminación da Violencia contra a Muller

Hoxe, 25 de novembro celébrase, ano tras ano, o Día Internacional da Eliminación da Violencia contra a Muller, unha xornada na que a sociedade trata de mitigar esta importante lacra. Como a educación é un aliado imprescindible para este labor,  na escola traballamos a non discriminación cada día, pero onte quixemos concienciar especialmente ao alumnado cunha actividade ao redor da publicidade sexista e de recortes de prensa humillantes.

Empregando unha estrutura simple de aprendizaxe cooperativa denominada “1-2-4” chamamos a súa atención sobre xestos que perpetúan a desigualdade e debatiron sobre estereotipos insultantes.  Resultou moi gratificante velos cuestionar os roles tradicionais de xénero e construír novas narrativas que contribúen a proxectos de vida igualitarios entre mozas e mozos.

 


4ºE.I Visita Toa, nai de Lenda

Hai unhas semanas, visitounos Toa a nai de Lenda. Durante a visita puidemos coñecer un pouquiño máis a Lenda grazas ás fotos que xuntas nos ensinaron; contáronnos as cousas que máis lles gustan facer cando están en familia, o seu gusto pola natureza, patinar en skate con papá,... Outra das cousas que máis lle gusta a Lenda é tocar os seus instrumentos musicais. Aproveitando que estamos cun proxecto en clase sobre os sentidos; mamá e filla fixéronnos un xogo no que debiamos adiviñar co noso sentido do oído, que instrumento estaban a tocar… e sen ver!!! A verdade que identificaron moi moi ben os instrumentos!!! Despois gozamos moito tocando e improvisando como unha auténtica banda de música!!

Grazas Toa pola túa visita, Lenda quedou contentísima!

Moitos bicos de parte dos alumnos de 4º de Educación Infantil